Оросын спорт

Орос бол дэлхийн спортын хүчирхэг гүрнүүдийн нэг бөгөөд Оросын тамирчид дэлхийн томоохон тэмцээнд байгуулсан ялалтаа жилээс жилд нотолж байдаг.

Орос улс олон төрлийн тэмцээнийг тогтмол зохион байгуулдаг ба түүний дотор Сочи дахь 2014 оны өвлийн олимпийн наадам, 2013 оны Казан дахь зуны Универсиад тэмцээнийг олон улсын түвшинд зохион явуулсан. Орост 2016 онд дэлхийн гурван, Европын хоёр удаагийн аварга шалгаруулах тэмцээн болж 2018 онд Оросын 11хотодхөл бөмбөгийн Дэлхийн Цомын төлөөх тэмцээн болж өнгөрлөө.

Ийм арга хэмжээ зохион байгуулах, бэлтгэл ажлыг хангахад орчин үеийн дэд бүтэц түүний дотор мэргэжлийн болон сонирхогчдод зориулсан спорт цогцолборууд, цэнгэлдэх хүрээлэн, цанын зам, бэлтгэлийн бааз болон бусад байгууламжууд шаардагддаг.

Та Орост сурч байхдаа, спортын томоохон арга хэмжээ үзэж, дуртай багуудаа дэмжиж, спортын ертөнцийн оддыг харах боломжтой. Оросын аль тамирчдыг хэдийн таньдаг болохоо хараарай.