International Students Testimonials

Фейзуллах Хадисов,

Санкт-Петербургийн үндэсний судалгааны мэдээллийн технологи, механик, оптикийн их сургууль

Цахим аюулгүй байдлын чиглэл Орос улсад идэвхтэй хөгжиж байна

Би Герман улсад төрсөн боловч амьдралынхаа ихэнх хугацааг Азербайжанд өнгөрөөсөн. Азербайжан улсад олон хүн оросоор ярьдаг ч би англи хэлний хувийн сургуульд сурсан тул оросоор бага зэрэг гадарлана. Орос улсад ирснээсээ хойш орос хэлээ сайжруулж байна. Надад боловсрол эзэмших хүсэл эрмэлзэл байсан бөгөөд хаана сурах нь дээр вэ гэдгийг их судалж үзсэн. Би компьютерын инженерийн чиглэлээр бакалаврын зэрэг хамгаалсан. Компьютерын системийн мэдээллийн аюулгүй байдал хөтөлбөрөөр давхар зэрэг эзэмшиж, Аалто их сургуульд 2-р дамжаанд сурах талаар олж мэдсэн нь надад элсэх хүсэлт гаргах урам зориг өгсөн юм. Цахим аюулгүй байдлын талаарх ахиц дэвшил, судалгаа нь Орос улсад, ялангуяа МТМО-д ерөнхийдөө идэвхтэй хөгжиж байгааг би мэддэг. Оросын засгийн газар Орос дахь судалгааны төвүүдэд хөрөнгө оруулалт хийсэн бөгөөд МТМО нь энэ чиглэлийн судалгаагаар шилдгүүдийн нэг нь юм. Би аж үйлдвэр дэх өгөгдлийн сан, задлан шинжилгээний аюулгүй байдал болон цахим аюулгүй байдлын чиглэлээр судалгаа хийж байна. Миний бүх хичээл англи хэл дээр ордог боловч би ярих чадвараа дээшлүүлэхээр орос хэлний сургалтад хамрагдсан.

Би Санкт-Петербург хотод очиж, хотын гайхалтай соёлыг мэдрэхийг үргэлж хүсдэг байсан. Санкт-Петербург хот нь Оросын нийслэл биш ч соёлын нийслэл юм. Санкт-Петербург хотод дэлхийн хамгийн том урлагийн музейнуудын нэг Эрмитаж байдаг бөгөөд энэ нь үнэхээр гайхалтай юм. Энд олон хөшөө дурсгал, түүхэн барилга байдаг ба хот нь өөрөө голын эрэг дээр байрладаг. Хотын амьдрал нэлээд идэвхтэй, эрч хүчээр дүүрэн, чөлөөт цагаа өнгөрөөх олон боломж бий.

Гадаад оюутны хувьд миний сэтгэгдэл ерөнхийдөө эерэг байна. Би Ази, Африк, Европ, Латин Америкийн олон гадаад оюутантай хамт дотуур байранд амьдардаг. Олон соёлын орчинтой. Заримдаа бид хамт хоол хийж, бие биеийнхээ соёл, хэл ярианы талаар суралцдаг. Бид "сайн уу", "бие чинь сайн уу" гэх мэт жижиг зүйлийг бусад хэлээр хэрхэн хэлэхийг бие биедээ зааж өгдөг. Эцэст нь боломжит элсэгчдэд зөвлөгөө болгож "Мэдэж авах нь таамаглахаас илүү ухаалаг." гэж хэлмээр байна. Ирээд та бүх зүйлийг өөрөө харах болно.