Их Петрийн Санкт-Петербургийн политехникийн их сургууль бол Оросын алдартай инженерчлэлийн их сургууль юм. Гадаад иргэд СПбПИС-ын бүх түвшний 300 гаруй хөтөлбөрөөс сонгох боломжтой. Энэхүү нийтлэлд шилдэг таван хөтөлбөрийг онцлон танилцуулсан.
Боловсролын зэргийн хөтөлбөрүүд
Олон улсын элсэгчид СПбПИС-д элсэхийн тулд элсэлтийн шалгалт өгөх ёстой. Хэрэв гадаад иргэн улсын нэгдсэн шалгалт (УНШ) өгсөн бол УНШ-ынхаа дүнг элсэх бичиг баримтын хамт илгээх ёстой.
СПбПИС-д элсэхэд шаардагдах бичиг баримтууд:
-
Элсэх хүсэлт (дижитал хэлбэрээр илгээж болно).
-
Паспортын хуулбар (зураг, төрсөн огноо, төрсөн газар, паспортын хүчинтэй хугацааг харуулсан хуудас).
-
Өмнөх боловсролын гэрчилгээ (Орос, Англи хэл рүү хөрвүүлсэн орчуулга).
Өргөдөл хүлээж авах огноо:
виз авах шаардлагатай орнуудын элсэгчдийн хувьд: 2020 оны 2 сарын 1-ээс 7 сарын 1,
виз авах шаардлагагүй орнуудын элсэгчдийн хувьд: 2020 оны 2 сарын 1-ээс 8 сарын 25.
- "Барилгын инженерчлэл" Орос хэлтэй бакалаврын хөтөлбөр
- "Механик инженерчлэл" Орос хэлтэй бакалаврын хөтөлбөр
- "Ухаалаг систем" Англи хэлтэй магистрын хөтөлбөр
- "Цөмийн эрчим хүчний инженерчлэл" Англи хэлтэй магистрын хөтөлбөр
- "Машин механизмын сургалт: онол ба хэрэглээ" (нэмэлт хөтөлбөр) Англи хэлтэй зуны сургууль
Тус хөтөлбөр нь гол мөрөн, далайн ажлууд, үйлчилгээний барилга байгууламж, үйлдвэрлэлийн болон иргэний зориулалттай барилга байгууламжуудын зураг төсөл боловсруулах, барих болон ашиглах, барилга, хөрөнгө оруулалтын зохион байгуулалт, эдийн засаг/барилгын төслийн менежментийн чадвартай болгоход чиглэдэг.
Сургалтын чиглэл:
Барилгын тоног төхөөрөмж, технологи.
Элсэлтийн шалгалтууд:
Орос хэл, математик.
Сургалтын төлбөр:
ТУХН болон Балтийн орнуудын иргэд 210,200 рубль,
бусад орнуудын гадаад иргэд 219,600 рубль.
Боловсролын зэрэг:
Барилгын инженерчлэлийн ухааны бакалавр.
Эзэмших чадвар: Машин, механизм, математикийн аргачлал, технологийн үйл явцын физик, компьютерын загварчлалыг компьютероор боловсруулах.
Сургалтын чиглэл:
Механик инженерчлэл.
Сургалтын төлбөр:
ТУХН болон Балтийн орнуудын иргэд 210,200 рубль,
бусад орнуудын гадаад иргэд 219,600 рубль.
Элсэлтийн шалгалтууд:
Орос хэл, математик.
Боловсролын зэрэг:
Механик инженерчлэлийн ухааны бакалавр.
Тус хөтөлбөр ухаалаг систем ба технологи, мэдээлэл боловсруулах систем, автоматжуулалт, ухаалаг роботын чиглэлээр чадварлаг мэргэжилтэн бэлтгэхэд чиглэдэг. Эзэмших чадвар: математикийн програм хангамж боловсруулах чиглэлээр дүн шинжилгээ хийх, мэдлэг эзэмших, мэдээллийн өгөгдөлд дүн шинжилгээ хийх, нейротехнологи болон түүний хэрэглээ, оновчтой болгох ба шийдвэр гаргах орчин үеийн аргачлал, үйлдвэрлэлийн автоматжуулалт гэх мэт төрөл бүрийн хэрэглээний салбарт ухаалаг систем боловсруулах, ашиглах.
Сургалтын чиглэл:
Мэдээлэл зүй ба компьютерын ухаан.
Элсэлтийн шалгалтууд:
Математик, мэргэжлийн чиглэлээр Англи хэлээр ярилцлага өгөх.
Сургалтын төлбөр:
ТУХН болон Балтийн орнуудын иргэд 244,800 рубль,
бусад орнуудын гадаад иргэд 305,000 рубль.
Боловсролын зэрэг:
Ухаалаг системийн ухааны магистр.
Тус хөтөлбөр нь атомын цахилгаан станц (АЦС) хэрхэн ажилладаг тухай ойлголт өгдөг. Цөмийн реакторын физик ба термогидравлик, термофизикийн үйл явцыг судлах тоон аргууд гэх мэт онолын хичээлүүд, хэтийн төлөвтэй цөмийн реакторын зураг төсөл ба атомын цахилгаан станцын аюулгүй байдал зэрэг үндсэн АЦС-ын тоног төхөөрөмжийн загвар, үйл ажиллагааны онцлог шинж чанаруудтай холбоотой практик сургалтууд багтсан байдаг. Төгсөгчид нь АЦС болон тоног төхөөрөмж нийлүүлж, АЦС-тай гэрээ байгуулдаг үйлдвэрлэгч компаниудад ажиллах боломжтой.
Сургалтын чиглэл:
Цөмийн эрчим хүчний инженерчлэл ба технологи.
Элсэлтийн шалгалтууд:
Математик, мэргэжлийн чиглэлээр Англи хэлээр ярилцлага өгөх.
Сургалтын төлбөр:
ТУХН болон Балтийн орнуудын иргэд 301,400 рубль,
бусад орнуудын гадаад иргэд 375,400 рубль.
Боловсролын зэрэг:
Цөмийн эрчим хүчний инженерчлэлийн магистрын зэрэг.
Тус олон улсын зуны сургууль машин сургалтын хэрэглээ, хөгжүүлэлтийн тухай сурах хүсэлтэй хүмүүст зориулагдсан болно. Энэхүү сургалт нь оюутнуудад машин сургалт, мэдээллийн шинжлэх ухааны онолын үндэс суурь, компьютерын төлөвлөлт, ангилал, регрессийн алгоритмын тусламжтайгаар бизнесийн бодит асуудлуудыг шийдвэрлэх талаар зааж сургадаг. Суралцах хугацаа: 2020 оны 7 сарын 20 - 31 Оюутнууд Санкт-Петербург хотод хэрэгтэй мэдлэг эзэмшиж, цагийг зугаатай өнгөрүүлдэг.
Элсэлтийн шалгалтууд:
Оролцогчид ямар нэгэн шалгалт өгөх шаардлагагүй.
Англи хэлний мэдлэгийн шаардагдах доод түвшин: B2 ба түүнээс дээш.
Сургалтын төлбөр:
эрт төлөгчийн хувьд 510 евро (2020 оны 4 сарын 6-аас өмнө),
ердийн төлбөр 540 евро (2020 оны 4 сарын 6-аас хойш).
Шаардагдах бичиг баримт:
-
Бөглөсөн элсэх өргөдөл;
-
Гэрэл зураг;
-
Паспортын хуулбар.
Элсэх хүсэлт хүлээж авах эцсийн хугацаа:
визгүй зорчих орнууд, Энэтхэг, Иран, ЕХ-ны гишүүн орнуудын иргэд: 2020 оны 6 сарын 22. бусад орны иргэд: 2020 оны 4 сарын 27.
СПбПИС-ын сургалтад элсэх хүсэлт гаргахын тулд хувийн бүртгэл үүсгэж, их сургуультай үнэ төлбөргүй холбогдоно уу. Элсэлтийн зөвлөл танд арав хоногийн дотор хариу ирүүлнэ.
