УЦТИС-ийн 2020 оны шилдэг 5 хөтөлбөр

Санкт Петербургийн улсын цахилгаан техникийн их сургууль "УЦТИС" нь 1886 онд байгуулагдсан Оросын шилдэг инженерчлэлийн их сургууль юм. Тус их сургууль олон улсын оюутнуудад бүх түвшний 150 хөтөлбөрүүдийг санал болгодог. УЦТИС-ийн хамгийн алдартай таван хөтөлбөрийн талаар уншина уу.

1. “Фотоэлектрик ба нарны эрчим хүчний технологи” Англи хэлтэй магистрын хөтөлбөр

Хөтөлбөр нь хамгийн сүүлийн үеийн нарны эрчим хүчний модуль үйлдвэрлэх технологи гэх мэт силикон суурьтай нарны эрчим хүчний тэжээлийн элементэд чиглэдэг. Оюутнууд үндсэн физикийн зарчим ба фотоэлектрикийн материал судлалын хэтийн төлөв, нарны эрчим хүчний модулиудын технологи ба хэмжилзүй, тоног төхөөрөмж, нарны эрчим хүчний цахилгаан станцын зураг төсөл болон засвар үйлчилгээний тухай мэдлэг эзэмшинэ. УЦТИС-ийн профессорууд, Канад, Франц, Мексик, Итали улсаас ирсэн зочин багш нар лекц уншдаг. Энэхүү курс нь нарны эрчим хүчний модулиудын үйлдвэрлэл ба оношилгоотой нягт уялдаатай байдаг нь бусдаас ялгагдах давуу тал болдог. Оюутнууд судалгаа шинжилгээ хийж, орчин үеийн үйлдвэрлэл болон хэмжилзүйн тоног төхөөрөмж ашиглах боломжтой. Герман, Франц, Финляндын хамтран ажилладаг их сургуулиудад дадлага хийх боломжтой.


Сургалтын чиглэл:

Электроник, радио техник болон холбооны систем

Элсэлтийн шалгалтууд:

Портфель өрсөлдөөн болон ерөнхий шалгалт

Сургалтын төлбөр:

Нэг семестрт 100,000 рубль

Боловсролын зэрэг:

Магистрын зэрэг

2. “Эрүүл мэндийн тусламж үйлчилгээний тоон систем ба технологи” Англи хэлтэй магистрын хөтөлбөр

Оюутнууд хөгжлийн бэрхшээлтэй өвчтөнд үзлэг хийх орчин үеийн технологи болон систем ашиглах практик ур чадвар эзэмшиж, эрүүл мэндийн алсын зайны хяналтын шинэ систем боловсруулж, судалгаа шинжилгээний ажилд оролцож, их сургуулийн боловсруулах-төлөвлөх-хэрэгжүүлэх-ажиллуулах лабораторид багагүй цаг хугацаа зарцуулдаг. Хөтөлбөрийн хүрээнд Герман, Франц, Финланд, Австри, Чех улс дахь УЦТИС-ийн хамтран ажилладаг Европын их сургуулиудад дадлага хийх боломжтой.


Сургалтын чиглэл:

Фотоник, тоног төхөөрөмжийн инженерчлэл, оптик болон биотехникийн систем, технологи

Элсэлтийн шалгалтууд:

Портфель өрсөлдөөн болон ерөнхий шалгалт

Сургалтын төлбөр:

Нэг семестрт 100,000 рубль

Боловсролын зэрэг:

Магистрын зэрэг

3. “Програм хангамжийн инженерчлэл” Орос хэлтэй бакалаврын зэргийн хөтөлбөр

Хөтөлбөрт өндөр чанартай програм хангамж үйлдвэрлэх аргачлал, загвар хөгжүүлэлт багтдаг. Оюутнууд Google, Transas, Marine Complexes and Systems, HyperMethod IBS, Okeanpribor, RTI Systems, Electropribor зэрэг компаниудад дадлага хийдэг. Финлянд, Герман улсад дадлага хийх боломжтой. Суралцах хугацаа: дөрвөн жил. Төгсөгчид програмист, програм хангамж зохион бүтээх, турших чиглэлийн мэргэжилтнээр ажилд ороход амархан байдаг.


Сургалтын чиглэл:

Мэдээлэл зүй ба компьютерын ухаан

Элсэлтийн шалгалтууд:

Орос хэл, математик, физик

Сургалтын төлбөр:

Нэг семестрт 99,000 рубль

Боловсролын зэрэг:

Бакалаврын зэрэг

4. “Цахилгаан эрчим хүч ба цахилгааны инженерчлэл” Орос хэлтэй бакалаврын зэргийн хөтөлбөр

Тус дөрвөн жилийн хөтөлбөр эрчим хүч, үйлдвэрлэл, төмөрлөг боловсруулах, цаасны үйлдвэр, өргөх болон тээвэрлэх цахилгаан систем ба комплекс дахь эрчим хүч хувиргах процессыг удирдах техник хангамж, програм хангамжийн хэрэгсэл зохион бүтээх, ашиглахад чиглэдэг. Боловсролын солилцооны боломж: Финлянд эсвэл Герман дахь хамтран ажилладаг их сургуулиудад дадлага хийх.

Төгсөгчид цахилгаан эрчим хүч, газрын тос ба байгалийн хий, төмөрлөг боловсруулах, тоног төхөөрөмжийн инженерчлэл, механик инженерчлэл, бусад шинжлэх ухааны салбаруудад ажиллах бүрэн боломжтой. Тэд програм хангамжийн инженер, цахилгааны систем болон байгууламжийн дизайнер ба хөгжүүлэгч, цахилгаан хөтөч, програм хангамжийн хяналтын үйлчилгээний инженер, эрчим хүчний инженер зэргээр ажилладаг.

Сургалтын чиглэл:

Electricity and Heat-and-Power Engineering.

Элсэлтийн шалгалтууд:

Орос хэл, математик, физик

Сургалтын төлбөр:

Нэг семестрт 99,000 рубль

Боловсролын зэрэг:

Бакалаврын зэрэг

5. “Бизнес дэх соёл хоорондын харилцаа холбоо” Англи хэлтэй богино хугацааны хөтөлбөр

Тус сургалт нь олон улсын орчинд харилцааны ур чадварыг хөгжүүлэхэд тусалж, олон улсын бизнесийн талаар ойлголт өгч, дурсгалт газраар аялах хөтөлбөр зохион байгуулдаг. Суралцах хугацаа: хоёр долоо хоног; зуны болон өвлийн сургалтаас сонгох боломжтой.

Сургалтын чиглэл:

Эдийн засаг ба менежмент

Сургалтын төлбөр:

өвлийн сургууль: 25,000 рубль; зуны сургууль: 30,000 рубль (үүнд виз авахад дэмжлэг үзүүлэх, сургалт, сургалтын материал, дурсгалт газруудаар хийх аялал багтана)

Боловсролын зэрэг:

Стандарт курс төгссөн гэрчилгээ; ECTS-ын 4 кредит.

Хэзээ өргөдөл гаргах вэ:

Өвлийн сургууль: 10 сар; зуны сургууль: 3 сар. Гэхдээ өргөдлөө жилийн турш илгээх боломжтой.

Шаардагдах бичиг баримт:

• Паспорт (18 сарын хугацаанд хүчинтэй)

• Богино хэмжээтэй дагалдах захидал

• Гэрэл зураг

Чадвар:

Олон улсын улирлын чанартай мэргэжлийн Англи хэлтэй сургуулийн оролцогч