ИТМО их сургууль Санкт-Петербург хотод байрладаг бөгөөд 1900 онд байгуулагдсан. Одоогийн байдлаар тус их сургуульд 2600 гадаад иргэнийг оролцуулан 13,000 орчим оюутан сурч байна. Тус их сургууль арван төрлийн хосолсон зэрэгтэй хөтөлбөр санал болгодог.
ИТМО их сургууль бол мэдээлэл, фотон технологийг заах чиглэлээр мэргэшсэн Оросын инженерчлэлийн шилдэг их сургууль юм. Times Higher Education агентлаг тус их сургуулийг компьютерын шинжлэх ухааны чиглэлд 74-т жагсаасан. Мөн тус сургууль ARWU-н зэрэглэлийн автоматжуулалт болон удирдлагын 76-100 бүлэг, QS-н зэрэглэлийн компьютерын шинжлэх ухаан, мэдээллийн системийн 101-150 бүлэгт багтдаг. Мөн Webometrics жагсаалтын 6-р байранд орсон. ИТМО их сургуулийн оюутнууд ICPC олон улсын коллежийн програмчлалын тэмцээн гэх мэт олон улсын мэдээллийн технологийн тэмцээнүүдээс байнга медаль хүртдэг.
Тус их сургууль Франц, Герман, АНУ, Эстон, Кипр болон Санкт-Петербург хоттой ойрхон байдаг Финландын их сургуулиудтай хамтарч ажилладаг. Бүх хамтарсан төслүүд нь магистрын хөтөлбөрүүд юм. Суралцах хугацаа нь хоёр жил бөгөөд сургалтын төлбөр нь нэг жилд 260,000 рубль болон түүнээс дээш байдаг. Олон хөтөлбөрийг Англи хэлээр заадаг тул элсэгчдийн хэлний мэдлэг нь дунд болон түүнээс дээш түвшинд байх ёстой. Төгсөгчид нь ИТМО их сургууль болон хамтран ажилладаг их сургуулийн хоёр магистрын зэрэгтэй төгсдөг.
Гадаад элсэгчдэд санал болгож буй хосолсон зэрэгтэй хөтөлбөрүүд: Бизнесийн мэдээллийн систем (Германы Ростокын их сургуультай хамтран), квант харилцаа холбоо ба фемтотехнологи (АНУ-ын Рочестерийн их сургууль), Үйлдвэрлэлийн экологи ба цэвэр үйлдвэрлэл (Циттау/ Герлицийн хэрэглээний шинжлэх ухааны их сургууль (HSZG их сургууль), био инженерчлэл ба био техникийн систем (Нью Мехикогийн Хайландсын их сургууль, Францын Парис-Саклай École normale supérieure), гэрлийн хөтөч фотоник ба програмчлагдах электроникууд (Киприйн технологийн их сургууль), хөдөлгөөний хяналтын систем ба навигац (Карлсруэ технологийн дээд сургууль), робот техник (Лаппенранта технологийн их сургууль, Таллины технологийн их сургууль), фотоны материал (Зүүн Финландын их сургууль, Овергнийн их сургууль), цахилгаан холбооны ухаалаг технологиуд (Лаппенранта технологийн их сургууль).
Хамгийн эрэлттэй хос зэрэгтэй хөтөлбөрүүдийн нэг бол Финляндын Аалто их сургуультай хамтран хэрэгжүүлдэг компьютерын системийн мэдээллийн аюулгүй байдлын хөтөлбөр юм. Тус их сургууль мэдээллийн аюулгүй байдлыг хангах, аюулгүй байдлын доод түвшинг тодорхойлох, аюултай програмыг илрүүлэх, өгөгдөл дамжуулах найдвартай систем бий болгох чадвартай шилдэг мэргэжилтнүүдийг бэлтгэдэг. Сургалтын хөтөлбөрт криптосистемийн загварчлал, мэдээллийн аюулгүй байдлын эрсдэлийн удирдлага, инженерчлэл ба техникийн засвар үйлчилгээ, хиймэл оюун ухаан, математик загварчлал зэрэг багтдаг. Оюутнууд мэдээллийн аюулгүй байдлын техникийн нарийн зүйлээс гадна Орос болон олон улсын эрх зүйн харилцааны тухай судалж үздэг.
Та мэдээллийн аюулгүй байдлын дүн шинжилгээнээс эхлээд криптограф, өгөгдлийн аюулгүй байдал зэрэг зургаан мэргэжлийн аль нэгийг нь сонгох боломжтой. Элсэгчид хөтөлбөрт элсэхийн тулд тухайн чиглэлээр бакалаврын зэрэгтэй байх ёстой бөгөөд ерөнхий эрдмийн хичээлийн онц сайн дүнтэй, Англи хэлний мэдлэгийн түвшин B + байх ёстой. Элсэгчид Аалто их сургуульд элсэхийн тулд IELTS эсвэл TOEFL-ийн гэрчилгээтэй байж хэлний мэдлэгээ нотлох шаардлагатай болж магадгүй.
Сургалтын төлбөр: хоёр семестрт 262,000 рубль. Сургалт явуулах газар, 1дэх жил: Орос; 2дахь жил: Финланд. Өвлийн улирлын шалгалтыг Аалто их сургууль дээр авч, диплом хамгаалалт Финляндын их сургуулийн багш нарыг байлцуулан ИТМО их сургуульд болдог. Төгсөгчдөд ИТМО их сургууль болон Аалто их сургуулийн зэрэг олгодог.
Манай хайлтын хэрэгслийг ашиглан ИТМО их сургуулийн хосолсон зэрэгтэй хөтөлбөрийн талаар дэлгэрэнгүй мэдээлэл аваарай. Их сургуулийн төлөөлөгчтэй холбогдож, элсэх хүсэлтээ илгээхийн тулд энд бүртгүүлнэ үү
